Ættingjar hryðjuverkamanna alltaf jafn undrandi

Það má segja að í kjölfar frétta um hverjir hafi staðið að baki hryðjuverka undanfarinna ára, þá komi oft upp sú staðhæfing að orsökina megi rekja til lélegrar menntunar, slæms félagsskaps, ISIS, höfnunar samfélagsins, atvinnuleysis viðkomandi og fleira í þessum dúr.

Reyndin er samt sú, að oftast er um einstaklinga að ræða sem hafa notið góðs af gestrisni vesturlanda til handa foreldrum og ættingjum þeirra.

Þannig var því varið t.d. með bræðurna í Boston frá Tsjetsjeníu sem sprengdu í tætlur saklausa áhorfendur og þátttakendur í Maraþonhlaupinu 15. apríl 2013.

Þannig var því einnig varið með fjölmarga þeirra sem reyndu að ráðast á blaðamenn, skopteiknara og stjórnmálamenn í Danmörku eftir birtingu skopmyndanna í Jyllandsposten 2005.

Flestir meira og minna efnilegir ungir menn sem höfðu komist vel áfram í æsku, í skóla og framtíð þeirra blasið við þeim, öllum vinum, ættingjum og foreldrum til mikillar ánægju.

En hver er þá ástæðan fyrir þessari kúvendingu þessara einstaklinga?

Svarið liggur auðvitað ekki í augum uppi, en fyrir mér þá er ástæðan einföld. Islam.

Islam hefur í för með sér, við nánari kynni, stigmagnandi hatur á öllu því sem vestrænt telst. Frá því smámunalegasta til hins stærsta í okkar samfélögum. En hvar er að finna Islam? Þessa hugmyndafræði eða fögru trú eins og bláeygar stúlkurnar kalla hana. Islam er auðvitað fyrst og fremst að finna í Kóraninum, riti sem fáir nenna að glugga í, rétt eins og önnur trúarrit eins og Biblíuna, Mormónsbók, Kitáb-i-Aqdas og fleiri trúarrit sem mannfólkið ánetjast með sínum saklausu augum.

Einn skýrasti boðskapur Kóransins er að múslimi eigi ekki að gera vantrúaðan að vini sínum. Annar boðskapurinn segir að Gyðingar, kristnir og trúleysingjar (vantrúaðir) séu í raun allir vantrúaðir og forðast skuli að vingast við þá. Þriðja kenningin er að líta skuli á þá sem snúa frá Islam, vantrúaða. Þeir eru verstir allra, því þeir eiga jú að vita vilja Allah.

Bara út frá þessum grundvallarsjónarmiðum múslima - fengnar beint úr Kóraninum, segir okkur að það hlýtur að vera ómögulegt að laga sig að trú, venjum og hugsunarhætti vestrænna manna.

Nú kunna margir að segja, að Kóraninn hefur sömu stöðu og Biblían í augum kristinna og það sé ákaflega mismunandi hvernig múslimar hugsa. Það er að vissu leyti rétt, en þegar einstaklingurinn sjálfur kynnir sér innihald Kóransins, vitum við aldrei að hvaða niðurstöðu hann kemst. Skoðanakannanir er harla erfitt að gera meðal múslima, því þeir vilja margir hverjir ekki upplýsa nokkurn skapaðan hlut um sína trú, því það er einnig trú þeirra að vestrænir vantrúaðir snúi út úr öllu sem þeim sé sagt og misskilji allt í ofanálag.

Það tíðkast hér í vestrænum löndum, að ungir múslimar eru hvattir og jafnvel neyddir til að læra vers og súrur (kafla) Kóransins utanbókar. Til að byrja með, skilja börnin ekki raunverulega merkingu þess sem þau eru að læra, en sú stund rennur upp fyrr en seinna, að ímám safnaðar hins trúaða, bendir á óréttlæti umheimsins og að ALLIR vestrænir séu í raun svín og þá beri að umgangast sem vantrúaða. Í mörgum tilvikum megi ljúga að þeim, notfæra sér félagslega styrki og sérmeðhöndlun, en gera samt sem minnst í því að leita til lögreglu eða yfirvalda ef múslimar af sömu trú gera þeim einhvern miska.

Þættirnir "Moskeerne bag sløret", sem sýndir voru á TV2 í byrjun mars, sýndu svo ekki varð um villst, að ímámar og forsvarsmenn samfélaga múslima, segja þáttagerðarmönnum TV2 eitt, beint fyrir framan myndavélarnar, en allt annað bak við faldar myndavélar. Tala sem sagt tveimur tungum, eins og Danir orðuðu það.

Ímámar, 31 að tölu, héldu svo fund eftir sýningu þáttanna sem urðu þrír, en þvert á væntingar Dana, fordæmdu þeir ekki yfirlýsingar ímáma eða talsmanna safnaðanna sem náðust með földum myndavélum, en átöldu hins vegar TV2 fyrir að fara með faldar myndavélar í moskurnar.

Ef svo ber við að einhver vestrænn gerir á hluta múslima, þá er hins vegar óhætt og kæra og klaga, helst í fjölmiðla og úthrópa hinn vestræna sem rasista, með hatursáróður, að mismuna, ráðast gegn minnihlutahópum o.s.frv. Lesendur slíkra frétta fyllast þá samúð í garð múslima og kalla þá útlendinga og hinn vestræni er nú orðinn útlendingahatari, rasisti eða eitthvað þaðan af verra.

Viðbrögð lögreglu og yfirvalda eru að mörgu leyti furðuleg. Talað er um að auka þurfi árásir á ISIS í löndum eins og Sýrlandi og Írak, í því skyni að veikja eða uppræta samtökin. Þarna er ráðist á hluta vandans en ekki raunverulega uppsprettu þess vanda sem hrjáir vestræn samfélög. Að setja t.d. þungvopnaða sveit sérsveitarmanna í komu eða brottfararsali á Keflavíkurflugvelli er algjör tímaskekkja í mínum augum, enda lýsir ríkislögreglustjóri því yfir að engir hópar séu undir eftirliti í þessum efnum.

Kjarni vandans er þessi: Múslimar fá allt of mikið frelsi til að innræta börnum, ungmennum og auðtrúa fólki, kennisetningar Islams.

Með því að loka moskum og koma í veg fyrir það að innræting á boðskap Kóransins geti farið fram í litlum sem stórum hópum, er stigið eina raunhæfa skrefið í átt til friðar og samfélags sem fer eftir einu og sömu lögunum. Gildir það reyndar um fleiri trúarhópa sem hafa tilhneigingu til að einangra meðlimina og búa til eins konar hliðarsamfélög fyrir þá.

 

Hvað breyttist hjá Laachraoui?

Athugasemdir

[Einar Haukur Sigurjónsson, 25.3.2016 kl. 19:26]

Það fer eftir hver kennir trúar ritin úr Kóraninum. Það getur hver sem er "predikað" sína útgáfu. Þar sem allt er tekið úr samhengi, gott gert slæmt og svo framvegis. Það geta víst næstum sama sem hver sem er stofnað Mosku og haldið predikanir í félagshúsnæði eða heima hjá sér.

Það er rétt hjá þér, allir verða sýna múslimum samúð. Hve margir sáu svona árásir fyrir þegar flóttafólk flúði inn í Evrópu. Allir áttu að taka þeim með opnum örmum og bara nefna "hætta á hryðjuverkum" gerði fólk fáfróaða rasista sem hafa aldrei þekkt erfiðleika.

ISIS dreifir upptökum á netinu. Dreifir áróðri sem þessir menn tengja sig við. Ég horfi stundum á upptökur frá bardögum og stríðum undanfarin ár. Þegar ég var um tvítugur horfði ég á upptökur þar sem Bandaríkjamenn rústuðu Írak og verð ég að viðurkenna. Þegar ég var ungur og vitlaus kviknuðu oft tilfinningar í mér "hvað mig langaði að verða hluti af her Bandaríkjanna í Írak". Rústandi þessum heimsku Írökum og Saddam Hussein. Ætli þetta sé ekki svipað fyrir þessa múslima. Sjá vesturlöndin virkilega leika sér með Sýrland en sjá upptökur af ISIS meðlimum og vilja verða "hluti af". En það er stór munur að vera í stríði og fremja hryðjuverk. En hvað er Sýrland annað en taflborð þriggja heimsvelda? USA, EU OG RU. Landið er rústað útaf sitthvorum pólitískum hugmyndum fólks sem sér aldrei hve ónýtt Sýrland er orðið. Rústir einar.

Svo koma þeir og fremja hryðjuverk, réttlæta það sem "stríð á öðrum vígvelli". Ógeðslega lið. Vilja bara vera "hluti af" eitthverju. Velja ISIS. Koma þjálfaðir með alvöru reynslu af alvöru vígvelli. Vilja troða því í andlitið okkar. Eins og við "borgarar" séum eitthvað persónulega tengd pólitíska stríðinu í Sýrlandi. Tek undir það hjá þér, þetta er Íslams trú að kenna. Óþroskaða steinaldarfólk eru að ganga í gegnum það sem kristni trú gekk í gegnum fyrir þúsund árum. "The Crusades". Við vorum einusinni svona, þúsund árum seinna. Eru þau orðin eins og við vorum. Óþroskaða fólk. Eftir fall Ottoman Empire hafa múslimar verið að drepa hvort annað. Þökk sé okkur, vesturlöndunum. Sem viljum tryggja að þau lifi í stein öld. Shía, Súnní múslimar. Fyrir ISIS gátu þau ekki einusinni fundið sig sem múslimar. ISIS heillandi nýja "vonin" fyrir þetta lið.

Vill sjá tugi deyja dag eftir dag næstu daga í loftárásum í Sýrlandi. "Okkar hugmyndafræði". Svo getum við ekki skilið þeirra reiði :Þ

[Sigurður Rósant, 25.3.2016 kl. 22:38]

Persónulega óttast ég ekki hryðjuverk islamista eða múslima, né lít á þau sem helstu ástæðu fyrir andúð minni á Islam. Islam er einfaldlega hugmyndafræði sem passar ekki við þá hugmyndafræði sem við höfum alist upp við síðustu áratugina. Kristindómur hefur í æ ríkari mæli hörfað undan kröfum alþýðunnar t.d. í sambandi við frelsi kvenna hvað klæðnað og notkun á snyrtivörum snertir. Einnig hefur Kristindómur slakað á tökum sínum hvað varðar opnunartíma verslana, en áratugum áður en þú fæddist, Einar Haukur, þá máttu verslanir ekki hafa opið á sunnudögum, svo dæmi sé tekið. Önnur hreðjatök hafði Kristindómur einnig á hegðun og tjáningu fólks í vestrænum samfélögum. Flestir vilja lifa til þess að hagnast nægilega mikið til þess að geta gert flest af því sem hugurinn girnist. Það má kannski kalla það viðhorf - veraldarhyggju?

Hatur múslima er greipt í hugarfylgsni þeirra frá barnsaldri - einmitt í gegnum utanbókarlærdóm á versum Kóransins sem kenna þeim hve vestrænir eru mikil svín, vantrúa og Allah viðurstyggilegir. Svipaðan hatursáróður gegn trúleysingjum má finna í Nýja Testamentinu:

Fyrra Pétursbréf 4:3
Nógu lengi hafið þið samið ykkur að háttum heiðingjanna og lifað í saurlifnaði, girndum, ofdrykkju, óhófi, samdrykkjum og svívirðilegri skurðgoðadýrkun.

Opinberunarbókin 21:8
En staður er búinn í díkinu sem logar af eldi og brennisteini hugdeigum og vantrúuðum, viðurstyggilegum og manndrápurum, frillulífismönnum og töframönnum, skurðgoðadýrkendum og öllum lygurum. Það er hinn annar dauði.“

Munurinn er bara sá að þeir kristnu sem iðka trú sína, láta sér nægja að einangra sig og sína frá veröldinni, en stunda síður hryðjuverk af því tagi sem múslimar gera.

Múslimar eiga það sameiginlegt með einstaka sértrúarsöfnuðum kristinna, Gyðinga, Hindúa, Búddista o.fl., að þeir láta kúgunargirni sína helst bitna á börnum sínum, konum og þeim sem minna mega sín. Mynda þannig hliðarsamfélög sem einangrast frá veraldlega þenkjandi fólki og verða eins konar viðrini í samfélaginu sbr. frásögn Hannah Shah í bók sinni "Dóttirin" og frásögn Mikaels Torfasonar í bók sinni "Týnd í Paradís".

Fjöldi annarra hefur sagt frá reynslu sinni í klóm sértrúarsafnaða, eins og Nansook Hong í bókinni "In the Shadow of the Moons", sem telur sig vera kristinn söfnuð og kallar sig "Samtök heimsfriðar og sameiningar".

Ég vona að börn eigi eftir að upplifa þá tíð að vera laus við trúarítroðslu foreldra sinna. Ganga í skóla sem byggja á veraldarhyggju og láta fólk um að iðka trú sína á álfa og tröll, sem hefur náð til þess tilskildum aldri.